#### තියෙනවද ???

දඩි බිඩි දවස් ගනනාවකින් පස්සෙ වැස්සක් වැහැලා පෑව්වා වගේ ආයිමත් ජීවිතේ සාමාන්‍යකරනය උනා විතරයි...දින තුනකට විතර සැලසුම් කරපු නුවර එළිය සංචාරයත් දින දෙකකින් ආපහු කොළඹට පිටත් උනා..අපි ගිය ක්‍රිකට් තරඟාවලියෙ අපිට සෙල්ලම් කරන්න තිබුනු අනිත් ටීම් එකට අපි දුන්නා තරඟයක් දුම් විසිවෙන්න.. ප්‍රශ්නෙ ආවෙ ඒ අය අපිට වඩා දක්ශයන් වීම විතරයි. ඒ ඇරෙන්න අනිත් සියල්ලම සාර්ථක උනා. අපි සිකුරාදා හවස එහෙන් පිටත් වෙලා සෙනසුරාදා හිමිදිරි පාන්දර 2 වෙනකොට මෙන්න ගෙදර.. 

යන එනකොට සිද්ධ වෙච්ච දේවල් සේරම කියන්න ගියොත් මන්  වසලා හමාරයි මේකෙ..කීප සැරයක්ම,

"ශාහ් මේක නම් බ්ලොග් එකේ ලියන්නත් මරු"

 කියලා කියනකොට මට ආපු මරණීය තර්ජන වලින් මන් ඒ වෙලාවෙ සැලුනෙ නැතත් එව්වා ලියන්න හිතන වෙලාවලදි නම් හිත කීරි ගැහිලා යන එක වලක්වන්න නම් බෑ.

කොහොමින් කොහොමින් හරි අපි කතා උනා යන ගමන් රෑ නවාතැනට යන්ඩ ඉස්සෙල්ලා කොහෙ හරි ග්‍රවුන්ඩ් එකකට ගීහින් ටිකක් ප්‍රැක්ටිස් කරලම යමු කියලා. ඉතින් දවල්ට කෑම කාපු තැනින් අපිට සෙට් කරලා දුන්නා නවලපිටිය ග්‍රවුන්ඩ් එක. එතනින් අපිට කීවා එතන  බලා කියා ගන්නෙ හමුදාවෙන්ය..නමුත් ප්‍රශ්නයක් නෑ අපිට රැක්ටිස් කරන්න පුළුවන් කියලා. අපේ අයත් ඉතින් ඉක්මන්ට නවාතැනට ගියත් වෙන කරන දෙයකුත් නෑනෙ කියලා කැමති උනා එතනට යන්න. වැහි පොද දෙක තුනක් වැටුනත් .. අපි හරියටම ග්‍රවුන්ඩ් එකට යනවා එක්කම වැස්සෙ නැද්ද ධාරානිපාත වර්ෂාවක්..

"මොන ක්‍රිකට් ගැහිල්ලක්ද මේ  වර්ෂාවෙ.."

කියලා  දැන් අපි ඉන්නවා වෑන් එකට වෙලා. අපේ අනිත් කට්ටිය වෑන් එකෙන් බැහැලා ගිහින් කතා කරනවා හමුදාවෙ අය සහ එතන ඉන්න අයත් එක්ක.

"දැන් මචන් කොහොමත් මේ වැස්සෙ ක්‍රිකට් ගහන්නත් බෑ..දැන් මෙතනින් පිටත් උනාට..ඉක්මනට රෑ නවතින තැනට ගිහින් වෙන කරන්න දෙයකුත් නෑ..මේකෙ ඉන්ඩෝ ගේම් මොනාවත්ම නැද්ද දන්නෙ නෑ නේද ?"

අපේ එකෙක් යෝජනා කලා. 

"ඒක නම් ටොප් මොනා හරි ඉන්ඩෝ ගේම්ස් තියේ නම් ටොප් තමයි"

අපි දැන් වාහනෙ ඉඳන් ඈතින් පැවිලියන් එක යටට වෙලා එතන කතා කර කර ඉන්න අයට අපේ යෝජනාව කියන්නත් ඕනි. වාහනෙයි පැවිලියන් එකයි අතරෙ දුර මීටර් සීයක් විතර නිසා කතාකලාට ඇහෙන්නෙත් නෑ. වැස්සෙ එතෙන්ට තෙමී ගෙන යන්නත් බෑ. තියෙන එකම විසඳුම තමයි හස්ත සඥා භාශාව.

"මචන් කොහොමද බන් අහන්නෙ?"

"අහපන් මචන් බිලියඩ් තියෙනවද කියලා අතින්?"

"කොහොමද ඒක අහන්නෙ?"

"මෙහෙම මෙහෙම කරලා අහපන් බන්"

අපේ එකා හයියෙන් අප්පුඩියක් ගහලා පැවිලියන් එකේ ඉන්න අපේ සෙට් එකේ අවධානය ගත්තා. ඒ වෙලාවෙ පැවිලියන් එකේ හිටි හමුදාවෙ සේරමත් ඒ අප්පුඩියෙ සද්දෙට ඒ අපි දිහා බලන් ඉන්නවා..

අපේ එකා අතින් පෙන්නුවා බිලියඩ් කියලා. ඇතුලේ කියන්නත් දබර ඇඟිල්ල දික් කරලා බිල්ඩිම ඇතුලෙ පෙන්නුවා. ඊට පස්සෙ ඔළුවෙන් ඇහුවා තියෙනවද කියලා..

එතනින් එහාට වෙච්ච දේ සහ වෙන්න ගිය දේ නම් අතිශෝචනීයයි. අපිට සෑහෙන්න වෙලාවක් ගියා එතනට තුවක්කු පිස්තෝල ඇදගෙන ආපු හමුදාවෙ සහ අවට සිටි අයට අපි ඇහුවෙ බිලියඩ් ඉන්ඩෝ ගේම් එක තියෙනවද කියලා  ඒත්තු ගන්වන්න. 

කොහොමද අපේ එකා මේක ඇහුවෙ ?

දකුණු අතේ මාපට ඇඟිල්ලයි දබර ඇඟිල්ලයි එකතු කරලා හිලක් හැදුවා.. වම් අතේ දබර ඇඟිල්ලෙන් අර බිලියඩ් පිත්ත වගේ කරලා බිලියඩ් ගහන්නෙ අර කූර වගේ එක පොඩ්ඩක් ඉස්සරහට පස්සට කරලා ඒම් කරලනෙ.. ආන්න ඒ වගෙත් පෙන්නුවා ඊට පස්සෙ ඇතුලෙ තියෙනවද කියලා පෙන්නුවා..එච්චරයි...

http://tato86.deviantart.com/art/biliard-78178503

කට්ටියට මනස් සිත්තරය්ක් ඇඳ ගන්ඩ බැරිම නම් අර බස් එකේ කොන්දොස්තර ටික්කන්ට බස් එකේ ඇඟිල්ලක් ගහන්න ඉඩ නෑ කියලා කී විදිය පොඩ්ඩක් හිතලා බලන්න. ඊට පස්සෙ බිලියඩ් ගහන හැටි හිතලා බලන්න.

ඕන් ඔහොම හමුදාවෙන් වෙඩි නොකා එතනින් පිටත් උනේ අපේම පෙර කරපු වාසනාවකට වෙන්න ඇති. 

හැබැයි එතනට කාව හරි බස්සන්න ආපු ත්‍රීවීල් එකක කෙනෙක් මේක බලන් ඉඳලා...

"පොට් කීපයක්ම තියෙනවා හැබැයි ගනන් තමයි වැඩි"

කියලා මගේ කනටම කරලා කීවෙ ඇත්තටම බිලියඩ් ගහන්න තැනුත් ඒ හරියෙ තියෙනවා කියලා කියන්නම වෙන්න ඇති.